أسرار التجارة الالكترونية ما تختصر على إنشاء متجر الكتروني وبس في زد نثق بإن التجارة الالكترونية لها مفهوم واسع حددناه لتجارنا و سهلناه في ثلاث خدمات أساسية ( متجر الكتروني + منظومة زد + أكاديمية زد) وكل خدمة رح تحل لك سر و تسهله عليك.

اخترنا لك مجموعة من المعايير اللي نسعى من خلالها الى مساعدتك في تقييم متجركم الإلكتروني لتحديد نقاط البدء و النقاط اللي تحتاج تطوير أو تعديل

خلينا نبدأ من الصفر وخطوة بخطوة معك

بوصلة التجارة الالكترونية

الفكرة هي عصب تجارتك! وغالبا تتبلور فكرتك وتتحدد اذا اشتغلت على نموذج العمل التجاري اللي تم تصميمه على أساس مناسبته لأغلب أنواع المنشآت ولأن المتاجر الإلكترونية لها خصائص معينة ، عملنا في زد على تطوير نموذج العمل التجاري التقليدي حتى يكون متناسب مع احتياجات المتاجر الإلكترونية وتم تسميتها ببوصلة التجارة الالكترونية

تبدأ وتجدد في متجرك الالكتروني

من أسرار التجارة الالكترونية فعل دومين خاص فيك – اسم النطاق مهم جداً ويعتبر أحد أصولك التجارية لاحقاً. في زد، نفضّل إن متجرك يكون باسمك اسم النطاق ممكن يكون بلاحقة عالمية مثل .com / .store أو يكون باسم نطاق سعودي معتمد باللاحقة .sa . هالشي بيزيد من موثوقيتك ويعكس هويتك واسمك التجاري بشكل أفضل.

وتقدر تقدم على هالخدمة من خلال: لوحة التحكم > اعدادات > نطاق خاص، وازهلها

اختيار الثيم المناسب لك

احرص على ان يكون مظهر متجرك أنيق ومرتب من الصفحة الرئيسية الى الخلفيات والصور و لاتنسى تنتبه لأدق التفاصيل، حاول بقدر المستطاع أن يكون متجرك مريح وسهل الاستخدام وكل جزء منه واضح تماما للمستخدم ولاتنسى توضح في خانة “من نحن” وتوصف فيه متجرك ومجال تجارتك في جمل بسيطة وواضحة .

وتقدر تضبط الثيم من خلال : لوحة التحكم > واجهة المتجر> تخصيص

اقرأ أيضا: تميّز بتصميم متجرك الإلكتروني مع سوق ثيمات زد

تصنيف المنتجات

قسم ورتب منتجاتك وكأنك جالس ترتبها في أرفف من تصنيف رئيسي إلى تصنيفات فرعية

يعني المنتجات اللي تتشابه حطها في مكان واحد تحت قسم واحد شلون؟ إذا كنت تبيع من نفس المنتج ألوان مختلفة لا تحط كل لون بقسم لحاله استخدم خاصية الخيارات للمنتج الواحد

تقدر توصلها من خلال : لوحة التحكم > المنتجات > تصنيفات المنتجات

رفع المنتجات

اذا كان عدد منتجاتك كبير ، ويحتاج منك وقت عشان التنزيل ! فالطريقة ابسط من كذا بكثير.

كل اللي عليك ترتب منتجاتك مع تصنيفاتها في الاكسل الخاص برفع المنتجات، وتسلمها لفريق نجاح التجار عن طريق المحادثة المباشرة في لوحة التحكم.

خيارات واضحة للمنتج الواحد

وجود أكثر من صورة واضحة للمنتج صورة وحدة للمنتج! ماتشبع فضول العميل لأنه مايقدر يشوفه ويتعرف عليه من جميع النواحي بعكس لو صورت المنتج من زوايا مختلفة بكذا العميل رح يقتنع إنه المنتج بين يده و تزيد الفرصة التسويقية للمنتج

وضوح وجمال الصورة

حاول دائما تبدع في تصوير منتجاتك ولابد ان يكون لمنتج صور توضح كامل تفاصيله ، وعشان نسهلها عليك

اقرأ أيضا: كيف تتحدث الصور الاحترافية للمنتجات؟

فعل طرق الدفع الالكترونية

عملية الدفع من أسرار التجارة الالكترونية و هي أخر خطوة للعميل في المتجر الالكتروني، ومهم جدًا أنك تقدم لعميلك تجربة شراء ممتازة. وبغض النظر عن المنتجات أو الخدمات اللي تقدمها في متجرك الإلكتروني، تسهيلك لعملية

الدفع لعملائك يعني حصولك على زيادة نسبة الرضاء وزيادة عدد العملاء و المبيعات. وفي زد وفرنا لك طرق للدفع سواء تقليدية أو بوابات الدفع الإلكترونية (البطاقات الائتمانية) اللي تختصر لك الكثير من الوقت والجهد . وتقدر توصل لهالخدمة وتتعرف على رسوم التفعيل من خلال > لوحة التحكم > منظومة زد > بوابات الدفع.

فعّل طرق الشحن التوصيل

نوع طرق التوصيل و أوصل لعملائك في جميع المناطق والسعر الأنسب لك ، واذا حاب تضيف مندوبك الخاص فزد يوفر لك هالخيارات من الصفحة الخاصة بطرق الشحن.

وتقدر توصلها من خلال : لوحة التحكم > منظومة زد > الشحن والتوصيل

جدد في طرق التغليف

التغليف احد أهم الأمور اللي يتفنن فيها الكثير من المتاجر ومن اهم أسرار التجارة الالكترونية ، واللي تجذب لك العملاء . فيه أفكار كثير بتفيدك اذا حبيت ممكن تطلع على موقع بنترست رح يساعدك ويلهمك في طرق متجددة للتغليف.

أسرار التجارة الالكترونية لبداية قوية